හරියට Game එකක් Install කරන්න දන්නේ නැද්ද




අපේ Game ගහන අයියල මල්ලිල නංගිල අක්කිල ඔක්කෝටම ඔන්න අද මේ ලිපිය ගොඩාක් වැදගත් වෙයි. ඉස්සර නම් ඔය අපි පෙන්ටියන් 3 පරිගනක භාවිතා කරන සමයේ කඩෙන් CD එකක් උස්සන් ආව, Install කලාට දැන් තියෙන බොහෝ ගේම් DVD දෙක තුනේ දැවැන්ත ඒව. ඉතින් මේ ගේම් Install කරන්න පහසු නෑ.. අර tool ඉල්ලනව මේ Tools ඉල්ලනව.. මේ නිසා ගොඩාක් අය ටිකක් පැටලිල මේ සම්බන්දව.. ඔය අතර යම්තන් Game එක කොටල කොටල කනා ශොට් එකකින් දා ගන්න අයත් ඉන්නව.. දැම්මත් මොකද උනේ කියල එයල දන්නෙත් නෑ.. ඉතින් මේ ලිපියෙන් බලමු මේ ගැටලු සහගත තැන් නිරාකරනය කර ගන්න. 

ඇයි අද කාලේ පරිගනක ක්‍රීඩාවක් මෙතරම් විශාල ?


නම් වශයෙන් නොකිව්වාට සමහර අලුත් පරිගනක ක්‍රීඩා DVD දෙකේ හතරේ.. මහ දැවැන්ත අන්තර්ගතයක් තියෙන්නේ.. මේව Install කලාට පස්සේ පරිගනක දාරිතාවයෙන් 20GB සමහර විට ඊටත් වඩා වැඩි ඉඩ කඩක් ගන්න අවස්තා තියෙනව.. අද කාලේ පරිගනක තාක්ශනය වගේම භාවිතා කරන පරිගනක දෘඩාංග වල කාර්යක්ශම තාවය සහා ප්‍රමානාත්ම තාවය සැලකිය යුතු තරම් වැඩි වෙලා තියෙනව. හිතන්න ඉස්සර පරිගනකයක 20GB Hard Disc භාවිතා කල අතර අද වෙන විට එය 500GB 1TB 2TB වගේ වැඩි වෙලා.. පෙර පරිගනක වලට වඩා වේගයද දසගුනයකට වඩා වැඩියි.. ගැරැෆික් පැත්ත ගත්තත් මේ ගුනාත්මක දියුනුවක් තියෙනව.. මේ නිසා පරිගනක ක්‍රීඩා නිර්මානය කරන සමාගම් අද කාලෙට ගැලපෙන උසස් පරිගනක ක්‍රීඩා නිර්මානය කරන අතර ඒවායේ තාත්වික බව අනර්ගයි. ක්‍රීඩාවක තාත්වික බව වැඩි වෙන්න ඒවායේ භාවිතා වන Graphic වල ගුනාත්මක භාවය සහ ශබ්ද ආදී අමතර සම්පත් වල ගුනාත්මක භාවය වැඩි විය යුතු අතර, එසේ වැඩි කිරීමේදී ඒවායේ ප්‍රාමානාත්මකව වැඩි දාරිතාවයක් පරිගනකයෙන් අත්පත් කර ගන්නව. පොඩ්ඩකට අපි අතීතයට හැරිල බැලුවොත් IGI පරිගනක ක්‍රීඩාවේ භාවිතා වූ Graphic quality එකට වඩා සිය ගුනයක් වැඩි දියුනු කරපු Graphic quality එකක් තියෙනව Call Of Duty 4 වගේ ක්‍රීඩාවක.. ඉස්සර කාලේ පරිගනක ක්‍රීඩා වල මිනිස්සු කතා කරන කොට අදාල වචනය පිට කිරීමේදී භාවිතා වන මිනිස් මුහුනේ ඇතැන් අංග චලනයන් අද වන විට 100% ක් නිවැරදි කර තිබෙනව.. ඉතින් මේ සියල්ලටම දැවැන්ත දත්ත ප්‍රමානයක් දරා ගන්න ඕනේ.. ඒ නිසා වැඩි ඉඩ කඩක් පරිගනකයෙන් යනව.

දැන් තරමක අවබෝදය එන්න ඇති මේ හා සම්බන්දව.. ඉතින් බොහෝ විට පරිගනක නිර්මානය කරන සමාගම් මේව එලි දක්වන්නේ තනි DVD ලෙස.. නමුත් අපිට ලැබෙන කොට කොහොමද DVD දෙකක් හෝ කීපයක් වෙන්නේ.. දැන් ඒ ගැන පොඩ්ඩක් හොයල බලමු.

…ඇත්තටම මේ ක්‍රීඩා එන්නේ බොහෝ විට තනි DVD එකක් ලෙස. මේ DVD එකක් ගත්තම මේවා 8GB තරම් දාරිතාවයක් තියෙන Double layer DVD වෙනව. ඉතින් සාමාන්ය වෙලද පොලේ මේ වර්ගයේ DVD හොයන්න අමාරුයි. ඒ වගේමයි හොයා ගත්තත් මේව මිල වැඩියි.. අපේ අය්යල ඉතින් Game හොර පාරෙන් පන්නල අපිට දීල එයාලගේ ලාබේ හොයන්න ඉතින් පුලුවන් තරම් ලේසිම ක්‍රමයක් හොයා ගන්නව. ඒ නිසා තමා 4.7GB DVD කීපයකට මේ ක්‍රීඩාව Write කරන්නේ. සාමාන්යෙන් DVD තොග පිටින් ගන්න කොට එක DVD එකක ගාන වෙන්නේ රු. 15 ත් 19 ත් අතර මිලක්.


කොහොමද මෙයාල තනි 8GB DVD එකක් 4.7GB DVD දෙකකට කඩන්නේ කියල ඊලගට අපි බලමු. 

බොහෝ විට මම දැකල තියෙන්නේ Original DVD එකේ Image එකක් හදා ගන්න එක. මොකක්ද මේ Image සීන් එක.. ඒකත් කියල දෙන්නම්කො එහෙමනම්. ඔයාල දන්නවනේ DVD හෝ CD වල දත්ත තැම්පත් කරන්නේ ලේසර් කදම්බයක් මගින් ඇති කරන සියුම් කඩතොලු රටාවකින්. යලි ඒ රටාව කියවීමෙන් අදාල දත්තය ලබා ගන්න පුලුවන් වෙනව. ඉතින් අපිට පුලුවන් මේ Original DVD එකේ මේ කඩතොලු රටාව පිංතූරයක් ලෙස පරිගනකයේ තැම්පත් කර ගන්න. ඒකට තමා DVD Image එකක් කියන්නේ.. ගොඩක් වෙලාවට මේවායේ Format එක .ISO වගේ තමා තියෙන්නේ. 

දැන් සම්පූර්න DVD Image එක පරිගනකයට දා ගත්ත.. ඉතින් මේ Image එක බොහෝ විට 4GB ඉක්මවා යනව.. ඒ නිසා DVD එකකට ගහන්න බෑ.. ඉතින් අපි මොකද කරන්නේ මේ Image File එක කොටස් වලට කැබලි කරනව. අපි කියනව මේකට Split කරනව කියල. මේ සදහා Win-rar කියන වැඩසටහන යොදා ගන්නව.. Split කරන කොටත් ක්‍රම දෙකක් භාවිතා කරනව. අපි හිතමුකො DVD Image එක ඇවිත් 6GB වගේ File එකක් කියල.. ඉතින් අපිට පුලුවන් මේක එක පාර කොටස් දෙකකට කඩල DVD දෙකකට ගහන්න.. අනිත් කරුන තමා මුලු File එකම 20MB වගේ කුඩා කොටස් රාශියකට කඩන්න.. ගොඩක් වෙලාවට දෙවෙනි ක්‍රමය තමා භාවිතා කරන්නේ.. මොකද එත කොට හදිස්සියට DVD නැති වෙලාවක අපිට පොඩි PEN Drive එකකින් උනත් Data ටික දහපාරකට හරි ගෙනියන්න පුලුවන් නිසා.

මේ තියෙන්නේ ඒ වගේ කුඩා කොටස් වලට Split කරපු Game DVD එකක්.

කට්ටියට දැන් මම පැහැදිලි කරානේ මේ Game එකක් හොර පාරෙන් අපේ අතට ලැබෙන කොට මොන මොන වෙනස් කම්ද වෙන්නේ කියල

 කියවල තේරුනේ නැති අයට මේ පිංතූරෙ දෙසට අවදානය යොමු කරන්න 


 මූලික සිද්දාන්තය තේරුම් ගත්ත නම් ඊ ලගට මේ වගේ ක්‍රීඩාවක් Install කරන්න ඔයාටත් තනිවම පුලුවන්. ඉතින් Install කරන්න නම් ඔයා මොකද කරන්න ඔනේ.. මේ මම කියපු පියවර ටිකම අනිත් පැත්තට කරන්න.. ඒ අනුව ඉස්සෙල්ලාම කොටස් වශයෙන් කඩපු File වලින් Image එක ගොඩ නගා ගන්න වෙනව. ඉතින් මේ සදහා අපිට Winrar,7Zip වගේ වැඩසටහනක් භාවිතා කරන්න පුලුවන්.. මෙතනදි ගොඩාක් අයට මතුවන ප්‍රායෝගික ගැටලුව තමයි මොකක්ද මම File ගොඩක් අතරින් දිග හැරීම සදහා යොදා ගන්නේ කියල.. ගොඩක් වෙලාවට කුඩා File විදියට Split කරන කොට පිලිවෙලට a1.rar,a2.rar,a3.rar වගේ සංක්‍යාත්මක අගයකින් File නම් කරනු ලබනව.. ඉතින් ඔයා ඉස්සෙල්ලම දිග හරින්න ඕනේ පලවෙනිම අංකය තියෙන File එක.. එහෙම නොමැති වෙලාවට ඒ File අසලම ඊට වඩා වෙනස් File එකක් තියෙන්නත් පුලුවන්.. උදාහරනයක් ගත්තොත්.. a.rar a1.rar,a2.rar,a3.rar වගේ අවස්තාවක වෙනස්ම මාදිලියේ File එක වන්නේ a.rar. ඉතින් ඔයා Extract කරන්න ඕනේ අන්න ඒ File එක.. මේ විදියට File දිග හැරීමේදී එක්තරා අවස්තාවක දෙවන DVD එක ඉල්ලනව.. ඉතින් ඒක ලබා දෙන්න.. 

හොදා ඔන්න අපි DVD Image එක පරිගනකය තුල හදා ගත්ත කියමුකො.. දැන් මේ Image එක Read කලානම් Game එක Install කරගන්න පුලුවන් නේ.. මේ සදහා අපි Image mount කරන ඕනෑම වැඩසටහනක් යොදා ගන්න පුලුවන්. Image Mount කරන tool සමහර විට ඔයාල දන්නවත් ඇති. DAEMON-Tools, Alcohol 120%, Magic ISO ඉන් සමහරක්.. මේ වැඩසටහන් වලට පුලුවන් කෘතීම DVD Rom එකක් පරිගනකය තුල ගොඩ නගන්න.. අපි මේවට කියනව Virtual CD/DVD-ROM කියල.. ඉතින් මේ වැඩසටහනක් මගින් අපිට පුලුවන් අර Image එක virtual rom එක හරහා open කරන්න.. 

Game එක්ක මේ Tools බොහෝ විට ඔයාලට සපයනව. ඒත් හොදට මතක තියා ගන්න ඒ tools ම භාවිතා කරන්න කියල නියමයක් නෑ.. සිද්දාන්තය තේරුනානේ.. ඉතින් ඔයා 7zip වලින් Extract කලා කියල Game එක වැඩ කරන්නේ නැතුව යන්නේ නෑ.. ඒ වැඩේට Winrar ම ඔනේ නෑ.. ගොඩක් අය DAEMON-Tools ම භාවිතා කලාට Image එකක් Mount කරගන්න පුලුවන් ඕනෙම වැඩසටහනක් භාවිතා කරන්න පුලුවන්

ඊලගට ඔයා Game ගහන කෙනෙක් නම් නිරන්තරයෙන් ඔයාගේ පරිගනකය තුල අලුත්ම DerectX version එක ස්තාපිත කර ගන්න.. මොකද බොහෝ පරිගනක ක්‍රීඩා මේ DerectX තාක්ශනයට අනුකූලව නිර්ම්මානය කරන නිසා DerectX ඉතා වැදගත්.. 

http://support.microsoft.com/kb/179113


ඉතින් මම මෙතනදී සරල සිද්දාන්තයක් කියල දුන්නේ.. නොතේරෙන කෙනෙක්ට අවබෝද වෙන්න.. සාමාන්‍යෙන් මම නම් පරිගනක ක්‍රීඩා Play කරන්න එච්චරම කැමැත්තක් නම් නෑ.. 
ඉතින් හිතනව අපේ යාලුවොන්ට මේ ලිපිය වැදගත් වෙයි කියල. මේ පිලිබදව තව විස්තර දැන ගන්න හරි, මේ පිලිබද නොතේරෙන කෙනෙක් හරි ඉන්නවනම් මාව දුරකතනය ඔස්සේ සම්බන්ද කර ගන්න. 
(චින්තක දේශප්‍රිය : +94 75 760 694 3)

Comments